Tech Talks: Погледни ја безбедноста низ очите на сајбер експертите

Како навистина изгледа кариера во сајбер безбедноста?

Кога ќе слушнеме „сајбер безбедност“, најчесто помислуваме на хакери, заштита на податоци и сложени технолошки системи. Но зад секој безбедносен систем стојат луѓе кои секојдневно носат важни одлуки, спречуваат ризици и ги штитат организациите од сè пософистицирани закани.

Токму затоа Семос Едукација го започнува серијалот Tech Talks, нова иницијатива која има за цел да ги доближи најактуелните технолошки професии до младите, студентите и сите што размислуваат за кариера во ИТ индустријата.

Првото издание е посветено на една од најбрзо растечките и најбараните професии денес: Cyber Security.

Зошто сајбер безбедноста е меѓу најперспективните кариери денес?

Дигиталната трансформација го промени начинот на кој работат компаниите, банките, институциите и организациите ширум светот. Со растот на дигиталните услуги растат и заканите поврзани со сајбер нападите, злоупотребата на податоци и безбедносните ризици.

Поради тоа, побарувачката за професионалци во сајбер безбедноста континуирано расте. Организациите бараат експерти кои знаат како да ги препознаат ризиците, да ги заштитат системите и да реагираат брзо кога безбедноста е загрозена.

Но како навистина изгледа работата на еден Information Security Officer? Што прави Head of IT Security во банка? Каков е патот до позиција CTO во технолошка компанија? Кои вештини се потребни за да започнете кариера во оваа област?

Одговорите на овие прашања ќе можете да ги слушнете директно од луѓето кои секојдневно работат во оваа индустрија.