Откако ќе ја изградиш визуелната основа, следниот чекор е да ѝ дадеш живот. Во вториот модул ќе научиш како графиката, текстот и визуелните елементи се претвораат во динамична содржина преку анимација и motion design. Ќе работиш со Adobe After Effects, ќе создаваш движечка графика за дигитални медиуми и ќе откриеш како движењето дополнително ја засилува визуелната комуникација.

Во третиот модул ќе научиш како различни визуелни и аудио содржини се организираат, поврзуваат и обликуваат во финален видео производ. Ќе работиш со монтажа, ритам, звук и визуелна структура на видеото и ќе создаваш содржини подготвени за дигитални платформи, социјални медиуми и маркетинг кампањи.

Ова е модулот што ја носи специјализацијата на програмата. Откако ќе научиш како се создаваат графика, анимација и видео, ќе откриеш како тие можат да се надградат со професионални визуелни ефекти. Ќе работиш со композитинг, green screen, rotoscoping, keying и други VFX техники што овозможуваат создавање сцени и визуелни решенија кои ги надминуваат ограничувањата на реалното снимање.

Последниот модул ја заокружува целата програма и те поставува во улога на мултимедијален креатор подготвен за реални професионални ангажмани. Преку интегриран завршен проект ќе ги обединиш визуелниот дизајн, анимацијата, видео монтажата и визуелните ефекти во единствено портфолио решение. Паралелно ќе работиш на своето кариерно портфолио, професионално претставување и подготовка за вработување, фриленс проекти или сопствени креативни иницијативи.