Ќе се запознаеш со општиот поим за дизајн, со поимот и историскиот развој на индустрискиот дизајн, заедно со улогата на индустриските дизајнери, влијанијата врз дизајнот и успешноста на производите, визуелната перцепција и гешталт принципите. Застапени се овде ликовните елементи и принципи, понатаму функциите и врските на производите како и јазикот и функцијата на производите. Ќе се стекнеш со знаења за интеракцијата на корисниците со производите, пред сѐ од ергономски аспект како и за процесот на дизајнирање производи во 5 фази. Ќе ги примениш стекнатите знаења во вежби наменети за јазикот на производите, антропометриски мерки и решавање на ергономски проблем кај реален производ преку дизајн процесот.

Ќе се запознаеш со потребата од познавањето и употребата на материјалите и производните технологии во индустрискиот дизајн, како и визуелно да се запознаеш и да ги разликуваш изучените процеси. Во текот на курсот се изработува задача: Истражување на избор на материјали кај секојдневни производи.

Ќе се запознаеш со основните правила и принципи на нацртната геометрија и инженерската графика кои претставуваат теоретска основа пред практичното изучување на Autodesk софтверските алатки во Академијата, односно нацртната геометрија и инженерската графика, стандардизацијата и видови на формати, како и со основните видови на технички цртежи. Ќе ги изучиш видовите на линии кои се користат во процесот на креирање на технички цртеж, како и правилата за поставување на димензии и сите останати ознаки неопходни во инженерската графика преку соодветни примери. Презентирани ќе бидат модели на основните геометриски форми во 3Д и ортогонални проекции со цел полесна визуелизација и разбирање. Исто така, ќе се запознаеш со видовите на модели за претставување на телата, принципите за нивно моделирање и креирање на пресеци и нивно соодветно обележување со шрафури, претставување на должински толеранции и ознаки за квалитет на површинска обработка и прикажување на сите последователни операции при изработка на работилнички цртеж.

Со официјалната Аутодеск алатка AutoCAD ќе се запознаеш со AutoCAD околината и ќе креираш едноставни цртежи. Во овој модул ќе научиш да манипулираш со објекти, да организираш цртежи и команди за анализа на цртежи, да модификацираш објекти, како и да работиш со Layout-и. Ќе совладаш текстуални објекти во цртеж, котирање и шрафирање на објекти, дополнителни команди за цртање на објекти, како и печатење на цртежите и креирање на Template цртежи.

Во модулот Fusion 360, ќе ги совладаш основните и напредни вештини за 3Д моделирање во Autodesk Fusion 360. Ќе се запознаеш со интерфејсот, ќе креираш и параметризираш 2Д скици, и ќе ги трансформираш во 3Д тела. Ќе работиш со конструктивни помошни елементи, равенки, и параметри, како и со историјата на команди за прецизна манипулација на моделите. Ќе научиш како да поставиш и поврзеш компоненти, да дефинираш движење, и да работиш со скулптури и органски форми. На крај, ќе изработиш техничка документација базирана на твојот 3Д модел, подготвена за реална примена во индустрискиот дизајн.

Со Autodesk алатката Inventor ќе научиш да креираш базни и секундарни карактеристики, да креираш скици, датотеки за презентација (експлодиран поглед, анимација). Во овој модул ќе работиш со равенки, како и со понапредни 3Д алатки. Дополнително овде ќе научиш да работиш во склопови, спојување на компоненти и дополнителни алатки во склопови. За крај, ќе научиш да документираш и котираш делови и креираш погледи и цртежи, а ќе се сретнеш и со алатки за средување на 2Д цртежи.

Ќе научиш како да ги примениш различните типови на пластики во процесот на дизајн и производство на производи. Ќе се запознаеш со нивните својства, предности, и техники за обработка, со акцент на инјекционото пресување и моделирање на калап. Ќе работиш практично во Fusion 360 и Inventor, каде ќе креираш 3Д модели и ќе ги трансформираш во функционални производни решенија. Ќе научиш како да избираш соодветен материјал, да го обликуваш конструктивно, и да интегрираш елементи за врски. Модулот ќе ти овозможи да ги разбираш производните процеси и да ги примениш во реални индустриски сценарија преку дизајн на производи од пластика.

Ќе видиш како се дизајнираат и моделираат метални делови од лим – материјали кои се користат во многу производи, од апарати до автомобили. Ќе работиш со дигитални алатки за да креираш основни форми, да ги виткаш, сечеш, и да додаваш спојни елементи. Ќе видиш како изгледа делот кога е свиткан, но и кога е целосно „развиен“ – што е важно за негово производство. Ќе научиш како да направиш технички цртежи и да ги подготвиш за фабричка изработка. Овој модул е одличен вовед во тоа како се користи софтвер за да се дизајнираат реални метални производи, чекор по чекор.

Во модулот Визуелизација, ќе научиш како да создаваш визуелни претстави на производи користејќи Fusion, Inventor и Canva. Ќе се запознаеш со различни типови на визуелизација, нивните карактеристики, и ќе ги применуваш преку рендерирање, осветлување, позиционирање на камера, и текстурирање. Ќе научиш како да прилагодуваш боја и тон, да додаваш сенки, и да компонираш кадар со техники за пост-обработка, вклучувајќи типографија и фонтови. Преку практична работа, ќе ги развиеш своите вештини за визуелна комуникација и ќе ги презентираш своите дизајни на професионален начин.

Во рамките на овој курс ќе ги научиш основните и напредните функции на софтверот за управување со податоци и проекти. Курсот започнува со основни задачи во Vault и се фокусира на тоа како да се користи Vault заедно со различни Autodesk програми, вклучувајќи Inventor, AutoCAD, кои се изучуваат во академијата. Понатаму, ќе ги научиш најчестите операции во Vault, како и на организација и пополнување на Vault со проекти и датотеки. Учењето опфаќа и техники за ефикасно управување со податоци, што овозможува поедноставено следење на верзии, контрола на пристап и координација во тимот. На крајот од курсот, ќе бидеш подготвен да ги примениш стекнатите вештини за управување со проектни и инженерски податоци, обезбедувајќи сигурност, прецизност и организираност во процесот на дизајн и развој.

Во модулот Генеративна вештачка интелигенција (AI), ќе се фокусираш на креирање мулти-модална содржина со помош на напредни AI алатки, како текст, слики и видео, применливи во реални дизајн и бизнис контексти. Ќе ги истражиш генеративните технологии и нивната улога во трансформација на креативниот процес. Преку практични примери, ќе развиеш способности за интеграција на AI во дизајн размислување, со цел да создаваш иновативни и технолошки напредни решенија. Модулот ќе ти овозможи да го искористиш потенцијалот на AI за да го унапредиш дизајнот и да одговориш на современите индустриски потреби.

Во модулот AI во индустриски дизајн, ќе се фокусираш на примената на вештачка интелигенција во развојот на иновативни производи и решенија. Ќе научиш како AI го трансформира креативниот процес преку генеративен дизајн, анализи на кориснички потреби, и автоматизирано креирање на концепти. Ќе работиш со техники како SCAMPER, Journey Mapping, и кориснички персони, но со акцент на тоа како AI ги подобрува овие методи. Ќе истражуваш модерни технологии и трендови кои го обликуваат современиот дизајн, и ќе примениш AI алатки за да развиеш функционални и визуелно привлечни производи. На крај, ќе креираш иновативни концепти кои комбинираат дизајн размислување со вештачка интелигенција, подготвени за реална примена во индустријата.

Во овој курс ќе добиеш вовед во симулациите во Autodesk Inventor и Autodesk Fusion, со фокус на анализирање на механички својства, оптоварувања и перформанси на модели. Курсот започнува со основи на симулации, вклучувајќи статичка анализа, идентификација на критични точки и дефинирање на граници и оптоварувања за моделите. Понатаму, ќе слушнеш за различните типови на симулации, како што се динамичка анализа, анализа на термички ефекти и интеракција помеѓу компоненти, но главниот фокус останува на статичката анализа. Ќе научиш како да користиш алатки за визуализација на резултатите, анализа на стрес и деформации, и оптимизација на дизајнот според добиените податоци. На крајот од курсот, ќе бидеш подготвен да ги применуваш стекнатите вештини за симулација и анализа на модели во Inventor и Fusion, со цел подобрување на квалитетот, сигурноста и ефикасноста на инженерските решенија и производните процеси.

Во рамките на овој проект ќе имаш можност да ги примениш стекнатите знаења и вештини од сите претходни курсеви во еден интегриран проект, кој ќе претставува практична примена на добиеното знаење и блиско искуство со индустријата. Проектот започнува со добивање барања од “клиентот”, изработка на неколку концептни решенија, а потоа преминуваш кон креирање на 3D модели и сложени геометрии, користејќи скици, конструктивни функции, параметри и техники за уредување на геометрија во некој од изучените софтвери. На крајот се изведуваат статички анализи за да се провери дали моделот ќе издржи зададените оптоварувања, со цел оптимизација на дизајнот и подобрување на квалитетот и сигурноста на инженерските решенија. Овој интегриран проект ќе ти овозможи да го потврдиш своето знаење преку комбинирање на дизајн, управување со податоци и симулации, резултирајќи со целосно организиран, функционален и технички прецизен производен процес.

Со Кариера ќе научиш како да изработиш индивидуален кариерен план и да добиеш визија за кариерен успех. Ќе спроведеш и толкуваш SWOT анализа за утврдување на своите предности, слабости, можности и закани. Ќе научиш како да изработиш CV, мотивационо писмо како и Linkedin профил, и како да се подготовиш за интервју.