На 14 мај 2025, во новите простории на Семос Едукација, свечено се одржа третата по ред церемонија на Semos Academy Awards – вечер на инспирација, признание и трансформација. Настанот го одбележа крајот на академската 2023/2024 година и претставуваше емоционално патување исполнето со аплаузи, благодарност и гордост за сè што заеднички постигнавме.
Настанот започна со инспиративен говор од водителката Катарина, која нè потсети на мисијата на Семос Едукација – да создава средина каде што студентите имаат можност да го трансформираат својот живот преку образование. Свое обраќање имаше и извршната директорка Валентина Тасева, која ја нагласи важноста на посветеноста, партнерството и заедничкиот успех во градењето на иднината.
Свое обраќање имаше и генералната директорка на Семос Едукација, Валентина Тасева која со поздравен говор им ги честиташе академските достигнувања на студентите, а ги охрабри и стипендистите и идните студенти континуирано да се надградуваат со нови знаења и вештини, кариерно да растат и да веруваат дека можат да постигнат сè што замислиле.
Семос Едукација како прва акредитирана институција од страна на Министерството за образование и наука за спроведување на пост-средно формално образование, десетта годинa по ред стипендира млади таленти верувајќи и развивајќи го нивниот потенцијал. Академијата за графички и веб дизајн за новата генерација 2025/25, додели 4 стипендии во вредност од 7.200 ЕУР на апликанти на конкурсот за стипендија на тема „Културен имунитет“ кои успешно го поминаа процесот на селекција.
Во рамките на свеченоста беа доделени и три стипендии за Академијата за графички дизајн за новата генерација 2025/26, во вкупна вредност од 5.000 евра, на тема: „Последиците од нашите навики“. Стипендии добија:
- Ивана Антевска – делумна стипендија од 1.000 €
- Ерика Златковска – делумна стипендија од 1.000
- Борис Ливрински – целосна стипендија од 2.700
Во продолжение, гордо ги претставуваме ѕвездите на генерацијата 2023/24 – најдобрите студенти од секоја од академиите:
- Академија за веб дизајн – Кристијан Васиќ
- Академија за графички дизајн – Дорис Маринковиќ
- UX/UI дизајн (МОН акредитирана) – Весна Илиевска (септ. 2023), Јана Величкова (март 2024)
- Data Science Институт – Санела Никодиноска
- JavaScript Академија – Демјан Анатоли Голубов и Ангел Спасов
- Game Development Академија – Филип Тосковски и Милко Тренчевски
- Академија за софтвер тестер – Душан Тофчески и Амра Ибраими
- Академија за внатрешен дизајн – Ангела Петреска и Гордана Кадинец
- Академија за дигитален маркетинг – Ивана Конзулова и Бранкица Бошковска
- Академија за човечки ресурси – Ирена Касапоски Стојанова и Благица Каракашева
- Microsoft Cloud Developer (.NET) – Симеон Паунов
- Академија за вештачка интелигенција – Елена Шајноска
- Академија за визуелни ефекти – Симеон Костовски
- Академија за сајбер безбедност – Антонино Царисти
- Академија за индустриски дизајн – Игор Зафировски
Посебни признанија беа доделени и на нашите партнери:
- Национално здружение за помош и поддршка на лица со мултипла склероза – за најдобар студентски проект од областа на општествено одговорни практики (Академија за графички дизајн)
- Ad Value – Талент Партнер со најактивно учество во академиите
Овој настан уште еднаш потврди дека образованието менува животи, а заедницата на Семос Едукација останува посветена на креирање нови успешни приказни, генерација по генерација.
Септемвриските уписи на Семос Академиите се во полн ек, со попусти од 20% до 30 јуни на сите академии. Избери ја иднината со супер платена професија, аплицирај на Семос Академии