На 29.05.2024 во Младинскиот Културен Центар (МКЦ) се одржаа вторите Semos Academy Awards, настан на кој на сцената блеснаа ѕвездите на секоја од Семос Академиите, стипендистите на Академиите за графички и веб дизајн 2024/2025, најактивните Талент Партнери и општествено одговорни компании.
Во динамична атмосфера проследена со измешани звуци на виолина и DJ, 200+ студенти, предавачи, вработени и партнери на Семос Едукација се забавуваа и го славеа заедничкиот успех – споделеното знаење и успешното комплетирање на студиите на Семос Академиите на генерациите септември 2022/23 и март 2023.
Свое обраќање имаше и генералната директорка на Семос Едукација, Валентина Тасева која со поздравен говор им ги честиташе академските достигнувања на студентите, а ги охрабри и стипендистите и идните студенти континуирано да се надградуваат со нови знаења и вештини, кариерно да растат и да веруваат дека можат да постигнат сè што замислиле.
Семос Едукација како прва акредитирана институција од страна на Министерството за образование и наука за спроведување на пост-средно формално образование, десетта годинa по ред стипендира млади таленти верувајќи и развивајќи го нивниот потенцијал. Академијата за графички и веб дизајн за новата генерација 2024/25, додели 4 стипендии во вредност од 7.200 ЕУР на апликанти на конкурсот за стипендија на тема „Културен имунитет“ кои успешно го поминаа процесот на селекција.
Делумни стипендии во вредност од по 1.000€ за Академијата за графички дизајн добија Андреа Аневска и Анастасија Трајковска, додека пак целосна стипендија во вредност од 2.600€ доби Марко Масри Грковски. Добитник на целосна стипендија во вредност од 2.600€ за Академијата за веб дизајн е Бојана Соколоска.
Во продолжение, заслужено ги именуваме наградените во секоја од Академиите:
- Академија за IT средношколци – наградата за најдобар студент на генерација 22/23 ја доби Јана Николовска;
- Академија за веб дизајн - најдобриот студент на генерација 22/23 е Стојан Ќушковски;
- Академија за графички дизајн - наградата за најдобар студент на генерација 22/23 ја доби Ева Ангеловска;
- Академија за UX/UI дизајн акредитирана од МОН - Генерација Септември 2022/2023 -Славица Саид, Генерација Март 2023 - Матеа Макаровска;
- Data Science Институт - Генерација Септември 22/23 - Димитар Симоновски, генерација март 2023 - Дарко Бужаровски;
- JavaScript Академија - Генерација Септември 22/2023 - Александар Јаневски, Генерација Март 2023 - Ристе Стојанов;
- Академија за Game Development - Генерација Септември 22/2023 - Сања Гигова, Генерација Март 2023 - Бруно Данчев;
- Академија за софтвер тестер - Генерација Септември 22/2023 - Генерација Септември 22/2023 - Ивана Пајкоска, Генерација Март 2023 - Дарко Ѓорѓиевски;
- Академија за внатрешен дизајн - Генерација септември 2022/2023 - Теодора Билбилоска, Генерација март 2023 - Александар Димитријевски;
- Академија за дигитален маркетинг - генерација септември 22/23 - Максимилија Петравиќ, генерација Март 2023 - Лазар Поп-Димитров;
- Академија за човечки ресурси - генерација 22/23 - Данче Даниловска Бајдевска, март 2023 - Ефимија Чучурска;
- Академија за човечки реусрси во IT сектор - Марија Нечовска, најдобар студент на генерација март 2023;
- Microsoft Cloud Developer (.NET) - Марко Крстевски, најдобар студент на генерација септември 2023;
- Академија за вештачка интелигенција - најдобар студент на генерација септември 2023 - Елена Тотова Кимова;
- Академија за визуелни ефекти - Христијан Ѓоргиев, генерација септември 2022.
Во категоријата Талент партнер со најактивно учество во академиите, статуетката ја понесе 351 Студио, мега успешна компанија која е го-ту тим на најголемите светски издавачки куќи како на пример Warner Music Group, Atlantic Records, Elektra Music Group, Universal Music Group, Sony Music, Columbia Records и други.
Наградата за ООП партнер ја понесе Здружението на граѓани за помош на социјално загрозените лица „Hopegivers“ Скопје за кое студентите од Академијата за веб дизајн работеа со желба и љубов на изработка на целосно функционална веб страна hopegivers.com.mk и студентите во Академијата за UX/UI дизајн успешно изработија прототипни решенија за апликација.
Честитки до сите наградени, до ѕвездените статуетки го достигнавте пиедесталот на знаењето и не се сомневаме дека ќе продолжите да блескате и на кариерните полиња. Сите наши студенти го заслужуваат епитетот „најдобри“ бидејќи го направија вистинскиот избор, да студираат на најдобрите, најтемелните, светски признаените Семос Академии. Нека вашите признанија и достигнувања бидат поттик и за идните студенти на Семос Академиите, новата генерација ентузијасти со кои од септември ќе споделуваме знаење, иновативност и заеднички успеси.
Септемвриските уписи на Семос Академиите се во полн ек, со попусти од 15% до 30 август и попуст од 20% за матуранти. Избери ја иднината со супер платена професија, аплицирај на Семос Академии