РЕАЛЕН ПРОЕКТ ОД АКАДЕМИЈАТА ЗА ГРАФИЧКИ ДИЗАЈН

Како дел од предметот „Форми на графички дизајн“, студентите од Академијата за графички дизајн, генерација 2024/2025, работеа на реален проект за Триатлон Федерацијата на Северна Македонија – организација која активно промовира здрави навики и спортски дух меѓу младите.

Проектната задача опфати изработка на информативни и едукативни постери, флаери и брошури, насочени кон подигање на свесноста за триатлонот како спорт, промоција на идни спортски настани и мотивирање на млади од 5 до 15 години да се приклучат кон федерацијата.

Преку реална соработка со клиентот и користење на материјали од бренд букот и фотографската архива, студентите имаа можност да создадат креативни решенија што ги комбинираат визуелните принципи со јасна комуникациска цел.

Овој проект претставува пример за нашата посветеност да понудиме практична едукација преку реални предизвици и соработка со вистински организации, каде дизајнот има и општествено одговорна улога.