Семос Едукација и Junior Achievement Macedonia потпишаа Меморандум за соработка со цел заеднички да придонесат кон развојот на младите преку образовни активности, настани и проекти од заеднички интерес.

Преку оваа соработка, Семос Едукација и Junior Achievement Macedonia ќе развиваат заеднички иницијативи, проекти и настани насочени кон младите, со цел да им овозможат пристап до нови знаења, практични искуства и можности за личен и професионален развој.

Партнерството претставува уште еден чекор кон доближување на образованието до младите и нивно подобро подготвување за предизвиците на иднината.

Со потпишувањето на меморандумот, Семос Едукација продолжува да ја зајакнува својата мисија да биде поблиску до младите, да ги поддржува во нивниот личен и професионален развој и да создава повеќе можности за стекнување знаења и вештини кои се барани на современиот пазар на труд.

Веруваме дека оваа соработка ќе придонесе за мотивирање и охрабрување на новите генерации да го развиваат својот потенцијал, претприемачки дух и подготвеност за идните предизвици.