Кажи ни нешто за себе, кој е Андреј и како започна твојата приказна во СЕМОС Едукација?  

Јас сум Андреј Блажевски, имам 22 години и мојата желба и амбиција да растам со голем тим од професионалци го насочија мојот пат кон СЕМОС Едукација. 

Кое е твоето лично мото?

„Ако можеш да го замислиш, можеш и да го оствариш.”

Секој од нас е посебен и креативен на свој начин. Сметам дека нема пречка доколку нешто навистина сакаме да постигнеме.

Што најмногу ти остава впечаток од Академијата за UX/UI дизајн?

Професионалниот тим, посветеноста на професорите, вниманието и насоките што ми беа посветени низ целиот процес за да се изградам како UX/UI дизајнер. 

Колку Академијата ти помага во твоето професионално развивање?

Постојано учиме, созреваме и се надградуваме. Така, и самата Академија ме научи соодветно да го препознавам секој проблем, за истиот да пронајдам соодветно решение и постојано да изучувам нови работи. 

Која е твојата порака до идните студенти на СЕМОС Едукација?

Ве охрабрувам да бидете слободни и да ја покажете вашата креативност. Прашувајте — тимот на СЕМОС ви стои на располагање. Бидете активни, бидете свои, верувајте во себе и следете ги вашите соништа.