Од Академија за Вештачка Интелигенција до успешна кариера

Кои техники или алатки што ги научи на Академијата за вештачка интелигенција ти помогнаа да се почувствуваш самоуверено на првите реални проекти?

Најмногу ми помогнаа практичните знаења од Python, Machine Learning и вештачка интелигенција, како и начинот на размислување при решавање реални проблеми.

Дали завршниот проект од Академијата ти помогна за предизвиците на работното место во Гринкор Трејд?

Да, дефинитивно. Завршниот проект ми помогна да поминам низ цел процес на работа, од идеја и анализа до имплементација и презентација на решение. Тоа искуство ми беше многу корисно и во Гринкор Трејд, каде што се бара аналитички пристап, внимание на детали и способност за решавање реални проблеми. Благодарение на Академијата, на работното место дојдов со поголема самодоверба и подготвеност да придонесам уште од самиот почеток.

Како би го опишал својот пат до успех во една реченица?

Мојот пат до успех би го опишал како комбинација од љубопитност, постојано учење, многу труд и храброст.

Дали имаш некоја анегдота, момент од Академијата кој секогаш ќе го паметиш?

Еден од моментите што секогаш ќе го паметам е чувството кога за првпат сфатив дека можам самостојно да изработам нешто што навистина функционира и решава конкретен проблем. Тоа беше момент кога целата теорија доби практична вредност и кога почувствував дека ова не е само учење, туку вистинска подготовка за кариера. Ќе ги паметам и поддршката од предавачите и атмосферата на Академијата, бидејќи токму тие многу ми помогнаа да напредувам со повеќе самодоверба.

Кој дел од твојата работа во Гринкор Трејд ти донесе најголемо задоволство досега, а со тоа и признание за твојот ангажман и труд во текот на Академијата?

Најголемо задоволство ми донесе тоа што знаењето стекнато на Академијата успеав да го применам во реална работна средина и да бидам корисен преку анализа, автоматизација и подобрување на одредени процеси. Особено ми значеше кога видов дека мојата работа помага да се заштеди време, да се намалат рачните чекори и да се олесни секојдневната работа на тимот. Тоа за мене беше и најголема потврда дека трудот вложен за време на Академијата навистина вредел.

Што би им порачал на оние кои размислуваат да започнат Академија или кариера во областа на вештачката интелигенција?

Би им порачал да започнат со љубопитност и желба за учење и да не се плашат од тоа колку брзо се развива вештачката интелигенција. Најважно е да ги совладаат основите, постојано да работат на практични проекти и да го применуваат наученото. Академијата може да биде одлична основа, но вистинскиот напредок доаѓа кога продолжуваш да учиш и по нејзиното завршување.