Од љубовта кон цртањето – до конкретни вештини за уредување на просторот

Тамара Димовска од Тетово, дипломиран економист, секогаш знаела дека има нешто повеќе во неа од бројки и табели. Таа е личност која верува во истрајноста, посветеноста и упорната работа – квалитети кои ги носи со себе уште од дете.

„Јас сум истрајна и посветена личност – кога ќе си поставам цел, одам до крај. Така беше и со оваа академија.“

Иако нејзиниот образовен и професионален пат тргнал во насока на економијата, нејзината љубов кон уредувањето на просторот, боите, формите и функционалноста никогаш не исчезнала. Соочувајќи се со момент кога почувствувала дека сака промена – вистински избор за Тамара станала Академијата за внатрешен дизајн во Семос Едукација.

Од прва идеја – до реална промена

„Уште од мала многу сакам да цртам, да уредувам домови, но животот ме однесе во друга насока. Кога слушнав за Семос Едукација, знаев дека сега е вистинскиот момент да ѝ дадам шанса на мојата страст,“ раскажува Тамара.

Таа вели дека најголем впечаток ѝ оставиле менторите, кои со многу љубов и трпеливост го пренесуваат своето знаење.

„Не беа само таму за предавање – беа тука за нас, секогаш. И во и надвор од часовите.“

Работата на реални проекти, користење на професионални алатки, совладување на 2D и 3D визуализации, како и практични совети за планирање простор, биле само дел од вештините што ги совладала за кратко време.

„Иако бев почетник, денес знам како да направам концепт, да го визуализирам и да го објаснам. Академијата ми даде самодоверба и реална насока за кариера.“

Од Академија – до кариерен развој

Тамара не гледа на Академијата како на само едукативен процес – за неа, ова бил почеток на нова професионална приказна. Благодарение на стручноста на менторите, квалитетот на програмата и можноста за практична работа, таа денес е подготвена да ги примени стекнатите знаења во реалниот свет.

Нејзината порака до сите што размислуваат за кариера во дизајн:

„Ако чувствувате љубов кон дизајнот – не размислувајте многу. Изберете го Семос Едукација! Таму ќе добиете знаење, поддршка, практични алатки и ќе станете дел од заедница што навистина се грижи за вашиот успех. И што е најважно – резултатите ќе ве изненадат.“