Кој момент те натера да кажеш: „Океј, ова не е само администрација - ова е работа со луѓе што прави разлика“?

„Тој момент дојде кога сфатив дека моето знаење како психолог – разбирањето на мотивацијата, однесувањето и меѓучовечките односи - кога ќе се спои со добро структуирани HR стратегии, административни процедури и договори, може да создаде реална и значајна промена во организацијата. Формуларите и политиките сами по себе се важни, но нивната вистинска вредност се гледа тогаш кога се користат како алатка за градење доверба, подобрување на културата и поттикнување на професионалниот развој на луѓето. Тогаш ја почувствував суштината на HR - дека оваа професија е мост меѓу бизнис целите и човечките потреби, и дека токму во таа точка се креира разликата што ја прави една компанија успешна и одржлива.“

Како ти помогна Семос Академијата во подготовката за да ја најдеш првата работа во HR?

„Академијата ми даде одлична основа - не само теоретски, туку и преку реални примери, симулации и алатки што веднаш можев да ги применам. Плус, мрежата на контакти и поддршката од менторите ми дадоа сигурност дека можам да влезам во HR секторот подготвена и со самодоверба.“

Имаш ли некој „а-ха“ момент од процесот на учење или од практичните вежби што ќе ги паметиш засекогаш?

„Да, тоа беше кога работевме на вежба за изработка на годишен HR план што вклучуваше стратегија за регрутација, обуки и задржување на талентите. Сфатив дека вистинската сила на HR-от е во предвидливоста и планирањето - кога однапред ги мапираш потребите, буџетот и времето, регрутацијата станува многу повеќе од реакција на празно работно место. Тогаш разбрав дека HR-от е како архитект на човечкиот капитал во компанијата.“

Како реагираше кога доби понуда за работа во компанијата Gemak, веднаш по завршувањето на Академијата?

„Бев искрено возбудена, но и горда. Тоа беше потврда дека целиот труд, вложеното време и учење се исплатат. Почувствував дека сум на вистинскиот пат и дека можам веднаш да почнам да правам разлика во една компанија.“

Која вештина, алатка или совет најбрзо го искористи на новото работно место?

„Најбрзо почнав да ја користам вештината за организирање и оптимизирање на HR процеси, особено во административниот дел, но со фокус на подобрување на искуството на вработените. Од алатките, тоа беа Excel и дигиталните HR системи што ги запознав на Академијата.“

Што би им порачала на сите што размислуваат да започнат кариера во HR или да направат кариерна промена?

„Ако сакате работа што комбинира стратегија, креативност и вистинска човечка поврзаност - HR е одличен избор. Не се плашете од промената, затоа што HR-от ви овозможува да влијаете на културата на компанијата и да им помогнете на луѓето да напредуваат. И што е најважно - вложувајте во учење, бидејќи ова е област што постојано се развива.“

Подготвен/а за промена?

И ти можеш да ја започнеш својата приказна!
Запиши се на Академијата за Човечки ресурси во Семос Едукација и направи го првиот чекор кон професија што навистина прави разлика.