Во генерација во која дигиталниот маркетинг често се поврзува со креативни кампањи, визуели и содржина на социјални медиуми, ретко се истакнува колку важна е логиката зад сето тоа бројките, анализите и стратегијата. Токму таму блеска Анастасија Ѓорѓиевска, студент на Академијата за дигитален маркетинг во Семос Едукација и студентна Економскиот факултет, оддел Финансии.

За Анастасија учењето не е „фаза“ што завршува со диплома. Таа го доживува како континуиран процес, свесна одлука да се расте, да се преиспитува и да се надградува. Иако нејзиниот примарен академски фокус се финансии, токму љубопитноста да ги разбере механизмите зад одлуките, вредноста и влијанието на пазарот ја доведува до светот на дигиталниот маркетинг.

Од невладина организација до Академијата за дигитален маркетинг

Приказната на Анастасија со Семос Едукација не започнува во класична училница, туку на терен, преку практична работа во една невладина организација. Таму првпат сериозно се среќава со маркетингот.

Во моментот кога се соочува со конкретни задачи и реални одговорности, таа прави важно лично откритие: знаењето вистински „проработува“ кога ќе биде ставено во функција. Кога не е само теорија од скрипта, туку алатка за решавање на реални проблеми.

Тоа ја разбудува нејзината љубопитност, како да се поврзат економијата, одлуките и пазарното однесување со дигиталните алатки и каналите што секојдневно ги користиме? Одговорот го наоѓа во Академијата за дигитален маркетинг во Семос Едукација.

Со веќе јасно дефинирана мотивација, Анастасија свесно одлучува: формалните студии по економија ќе ги надополни со практично, применливо знаење од дигиталниот маркетинг. Така започнува нејзината приказна во Семос Едукација – како логичен следен чекор, а не случаен избор.

„Нема правило без исклучоци“ – филозофија на критичко размислување

Доколку се обидете да ја „ставите во рамка“ со едно животно мото, Анастасија ќе ви каже дека тоа не е нејзиниот стил. Таа не верува во една реченица што важи засекогаш. Наместо тоа, верува во мисли што се менуваат заедно со фазите низ кои минуваме.

Таа вели дека од секоја личност, секоја ситуација, книга или филм може да се извлече нешто вредно. Често „си бележи“ во мислите: „Ова е добро кажано“, „Да, навистина е така“, „Ова е важно“. Но кога директно ќе добие прашање за мото – тие мисли како да се повлекуваат во позадина.

Сепак, постои една мисла што денес најмногу ја опишува:

„Нема правило без исклучоци.“

Ова не е само фраза за неа, туку потсетник постојано да размислува критички. Да не прифаќа ништо здраво за готово. Да остава простор за креативност, адаптација и личен раст.

Во свет каков што е дигиталниот маркетинг – динамичен, променлив и често непредвидлив – оваа филозофија и дава предност. Наместо да се држи цврсто до „правила“ и шаблони, таа бара начин да ги разбере, но и да ги надмине тогаш кога контекстот го бара тоа.

Кога теоријата добива лице: како изгледа Академијата низ нејзините очи

За многумина, дигиталниот маркетинг звучи апстрактно, се додека не видат реални кампањи, резултати и бројки. За Анастасија, токму тоа е најсилниот впечаток од Академијата.

Најпрво, ја истакнува структурата на програмата, каде што теоријата не стои изолирано. Секое предавање е надополнето со практична примена: конкретни примери, анализи, алатки, задачи. Наместо само да слуша за концепти, таа ги применува – ја гледа нивната „жива“ страна.

Втората клучна точка за неа се менторите. Не ги доживува како луѓе кои само пренесуваат материја, туку како професионалци со реално искуство кои умеат да го структуираат и пренесат знаењето на јасен, разбирлив и применлив начин. Тие, според неа, создаваат средина во која прашањата се добредојдени, а дискусијата е составен дел од учењето.

Работата со современи алатки и актуелни практики е уште еден сегмент што го издвојува искуството на Академијата. Наместо да учи нешто што „можеби ќе и затреба“, Анастасија чувствува дека веќе се подготвува за реалните потреби на пазарот.

Резултатот? Комбинација од самодоверба, аналитичко размислување и чувство на професионална подготвеност – уште пред формално да направи прв чекор на пазарот на труд.

Кога економијата и дигиталниот маркетинг работат заедно

На прв поглед, финансии и дигитален маркетинг звучат како два одделни света. Кај Анастасија, тие се – идеален спој.

Студиите по економија ѝ даваат силна теоретска основа: разбирање на пазарните механизми, финансиска логика, вредност, одлуки. Академијата за дигитален маркетинг, пак, ѝ дава практичен контекст: како тие одлуки се комуницираат, позиционираат и мерат во дигитална средина.

Преку различни модули, таа има можност да истражува повеќе области:

• креирање дигитални кампањи,
• работа со современи маркетинг и аналитички алатки,
• анализа на резултати,
• стратегиско планирање.

Овој процес не ѝ помага само да „научи повеќе“, туку и да го дефинира својот професионален интерес. Да открие што најмногу ја привлекува, во што е најдобра и каде сака да се движи во иднина.

Со секој нов проект и задача, чувствува како расте нејзината подготвеност да преземе иницијатива. Таа верува дека токму таа активна позиција, да не чека, туку да делува – ќе ја издвојува на пазарот на труд во годините што следуваат.

Порака до оние што размислуваат „дали да се пријавам?“

Ако се препознаваш во нејзината приказна, сакаш повеќе од теорија, те интересира дигиталниот свет, но и стратегијата зад него – веројатно ја имаш истата дилема како многумина: дали сега е вистинското време, дали ова е вистинската академија, дали ќе успеам да постигнам сè?

Анастасија има јасен одговор на тоа. Таа верува дека најдобрата инвестиција е инвестирањето во сопствената едукација. Ако си стигнал до момент да истражуваш, да читаш блогови, да гледаш програми, веќе си на добар пат. Следниот чекор не е уште едно „двоумиш се“, туку одлука. Токму Академијата за дигитален маркетинг при Семос Едукација може да биде јасната насока и структуриран почеток за твојот влез во овој свет.

Таа вели: магијата започнува уште на првото предавање, а растот продолжува со секој нов проект. Предизвикот можеби изгледа голем, но знаењето и искуството што ќе ги стекнеш тука можат да станат твоја најсилна професионална предност.

А приказната на Анастасија Ѓорѓиевска е добар пример дека кога аналитичкиот ум ќе влезе во креативен дигитален свет, таму навистина – нема правило без исклучоци.