Кажи ни нешто за себе, која е Клара и како започна твојата приказна во Семос Едукација?

Јас сум Клара Ивановска, студент на Академијата за UX/UI дизајн во Семос Едукација. Мојата приказна започна со голем ентузијазам кој и денес е присутен, иако се ближи крајот на академијата. Овде научив да размислувам како дизајнер и се стекнав со вештини кои ми помагаат да ги реализирам моите идеи. Знаењето што го добив е само почеток, но е цврста основа врз која ќе градам понатаму.

Кое е твоето лично мото?

„Она што го негуваш, расте.“ За мене тоа значи дека ако редовно вложуваш во своите вештини и се посветуваш на своите проекти, резултатите доаѓаат сами.

Што најмногу ти остави впечаток од Академијата за UX/UI дизајн?

Нешто што ќе го носам долго е пристапот на професорот Андреа. Не само знаењето, туку и перспективата. Тој ни нагласи дека сме избрале убава професија, што ми ја потврди мојата одлука. Но уште поважно, не насочи да дизајнираме етички - да создадеме продукти кои навистина им служат на луѓето, без да ги манипулираат. Тоа е всушност и разликата меѓу добар и одговорен дизајнер.

Колку академијата ти помага во твоето професионално развивање?

Академијата ми помогна да стекнам нов начин на размислување и да ја гледам мојата улога со поголема свесност. Секојдневно ги применувам научените техники и пристапи, што ми дава сигурност дека можам да создадам дизајни кои имаат вистинска вредност.

Порака до идни студенти

Да не се плашат од нови почетоци. Секој успех мора да почне од некаде - најважно е да се започне.