Одличното портфолио не е само збир на проекти, туку приказна за знаењето, креативноста и техничките вештини на еден развивач. Преку овој проект, студентот успеа да создаде модерна и интерактивна веб-страница која на професионален начин ги претставува неговите способности, притоа обрнувајќи внимание и на корисничкото искуство и на визуелниот впечаток. Во интервјуто тој споделува што го направило најгорд на сопствениот проект, кои техники му биле најинтересни и како изгледал патот од идеја до целосно функционално решение.

На кој дел од проектот си најгорд, и зошто?

Најгорд сум на целокупниот изглед и интерактивноста на моето портфолио. Особено ми се допаѓа тоа што успеав да создадам веб-страница која не е само обична презентација на моите проекти, туку има модерен дизајн и ги прикажува моите вештини и работата на професионален начин. Најмногу сум горд на тоа што успеав една идеја да ја претворам во функционален и реален проект кој можам да го покажам на други луѓе.

Која техника ти е „најинтересна" и како ти помогна во работата на проектот?

Најинтересна ми беше техниката на користење анимации и интерактивни елементи со JavaScript и GSAP. Ова ми помогна веб-страницата да изгледа поживо и поинтересно, наместо корисникот само да гледа статичен текст и слики. Со анимациите успеав да создадам подобро корисничко искуство и да направам навигацијата низ проектот да биде поинтересна.

Опиши какво беше искуството со менторот?

Искуството со менторот беше многу позитивно и корисно. Менторот ми помогна подобро да ја организирам идејата, да размислувам за дизајнот и функционалноста на проектот и да ги надминам проблемите со кои се соочував при изработката. Најмногу ми значеше тоа што добивав насоки и совети, но истовремено имав можност сам да размислувам и да носам одлуки. Благодарение на тоа, не научив само како да го завршам проектот, туку и како подобро да пристапувам кон решавање проблеми.

Како се чувствуваше кога твојата идеја стана реалност?

Кога ја видов мојата идеја претворена во вистински функционален проект, се чувствував многу гордо и задоволно. На почетокот проектот беше само идеја и замисла, но со работа, учење и решавање на различни проблеми успеав да го реализирам. Тоа ми даде дополнителна мотивација и самодоверба бидејќи сфатив дека можам да создадам нешто реално од сопствена идеја.

Проектот претставува доказ дека со комбинација од креативност, техничко знаење и посветена работа, една идеја може да прерасне во реален дигитален производ. Преку практичната работа и примената на современи веб технологии, студентот не само што изгради професионално портфолио, туку стекна и самодоверба за идните предизвици во светот на веб-развојот.

Доколку и вие сакате да ги претворите своите идеи во функционални дигитални производи и да изградите кариера во веб дизајн, дознајте повеќе за Семос Академијата за Веб дизајн.

Погледнете го целосното портфолио на студентот: Махир Шаботиќ