Од операциона сала до светот на вештачката интелигенција

Запознајте ја Ивана - хирург која својата професионална приказна ја започнала во Германија, но љубопитноста и визијата за иднината ја однеле кон уште еден предизвик: Академијата за Вештачка интелигенција во Семос Едукација.

„Верувам дека со развојот на вештачката интелигенција, иднината на медицината не е само поблиску, туку и подлабоко трансформирана. Хирургијата и здравството ќе станат незамисливи без неа.“ - вели Ивана.

Кој е патот на Ивана?

Ивана отсекогаш ја истражувала анатомијата на телото и психата, барајќи приказни што живеат во луѓето. Академијата за Вештачка интелигенција ја опишува како врата кон нов свет - свет каде медицината и технологијата се преплетуваат, создавајќи можности за нови хоризонти.

Мото што ја инспирира

„Она што го нарекуваме граници се само филтри на нашата перцепција; еднаш кога ќе исчезнат, светот и ние стануваме бесконечни.“

Со ова мото, Ивана ги руши стравовите и границите, отворајќи пат кон нови визии и смели идеи.

Академијата за Вештачка интелигенција - повеќе од програмирање

Она што најмногу ја воодушевило е што Академијата не нуди само знаење за програмирање, туку и длабинско разбирање на вештачката интелигенција, од машинско учење до етички дискусии за АИ во здравството. „АИ не е подреден инструмент, туку потенцијален партнер. Академијата ми помогна да ја видам иднината не како конкуренција меѓу човек и машина, туку како коегзистенција.“

Проектот SoulInk - кога АИ станува терапевт

Проектот на Ивана, SoulInk, е апликација со АИ-аватари кои служат како терапевти и водичи низ човечките емоции, спомени и соништа. Нивната цел е да инспирираат лична трансформација, развој на емпатија и морална зрелост, со што придонесуваат за посилни заедници.

„Лекувањето никогаш не е пријатно; тоа е хирургија на душата. Но вистинското излекување започнува кога ќе се осмелите да ја погледнете сопствената темнина.“

Порака до идните студенти

„Не гледајте на АИ како на предмет, гледајте како на забранета градина. Таму ќе најдете предизвици, искушенија, но и бескрајна инспирација. Влезете со љубопитност и неустрашливост и ќе откриете не само што може Машината, туку и кој сте вие.“

Ивана ја гледа иднината како претстава: човекот и машината се главните актери, а сцената е целиот свет. „Претставата штотуку почнува… и ништо не е повозбудливо од тоа.“

Ако и ти сакаш да ја откриеш моќта на вештачката интелигенција и да ја изградиш својата професионална иднина, приклучи се на Академијата за Вештачка интелигенција во Семос Едукација.