Од љубител на просторна естетика до инспиративен талент

Кога ќе ја запознаеш Анастасија Русевска, веднаш ја чувствуваш нејзината посветеност на деталите. За неа, секој агол, секоја сенка и секој материјал имаат своја приказна. Таа влезе во светот на внатрешниот дизајн со желба да ја претвори љубовта кон убавината и хармонијата во професија што остава трага.

Почеток со јасна визија

„Јас сум креативен карактер со посебна љубов кон просторната естетика,“ вели Анастасија. „Сакав да ги усовршам моите креативни и технички вештини и затоа ја избрав Академијата за внатрешен дизајн во Семос Едукација. Се вљубив во идејата дека можам да создадам нешто повеќе - не само да размислувам убаво, туку и да ја материјализирам убавината во просториите каде луѓето живеат, работат и сонуваат.“

Деталите ја прават целината

Водена од зборовите на Charles Eames: „The details are not the details. They make the design,“ Анастасија верува дека напредокот доаѓа преку учење и посветеност. „Секој елемент, било видлив или скриен, има улога во целосната слика,“ додава таа.

Средина што поттикнува раст

Она што најмногу ја воодушевува е поддршката од менторите. „Тие не предаваат само знаење, туку делат искуства, инспирации и предизвици. Организираната и професионална структура на Семос Едукација создава средина каде креативноста и дисциплината се надополнуваат. Практичниот пристап и можноста да се работи на реални проекти го прават учењето мотивирачко и смислено.“

Знаењето во пракса

Со стекнатите вештини од AutoCAD, SketchUp и 3Ds Max, како и со усовршената комуникација и презентација пред клиенти, Анастасија веќе се чувствува подготвена за професионални предизвици. „Во рамки на Академијата за внатрешен дизајн во Семос едукација веќе работев на проекти - од првични скици до финални решенија. Секој процес е нова можност да креирам функционални и хармонични простори кои носат удобност и убавина.“

Порака со инспирација

„Дадете шанса на вашата креативност. Семос Едукација ќе ви овозможи алатки, знаење и средина. Но најважно е да вложите труд, време и љубов кон процесот. Секое учење е инвестиција во иднината, а токму тука таа инвестиција се претвора во можности и професионален успех. Не се плашете да започнете - затоа што деталите со време се спојуваат во нешто прекрасно.“

Анастасија Русевска е доказ дека кога ќе се соединат креативноста, дисциплината и вистинското менторство, резултатите се неизбежни. Таа е нашиот Rising Star of the Week - пример за тоа како Семос Едукација ја претвора страста во професионален успех.